बुधवार, 19 अक्तूबर 2011

मराठी उखाणे 19

 

------रावांच्या भोंवती पंगत पडली मित्रांची.
शंकरासारखा पिता, गिरजेसारखी माता,
------रावांची मी आवडती कांता.
गोकुळांत श्रीकृष्ण वाजवतो पावा,
------रावांचं नांव घेतें आशीर्वाद असावा.
यमुनेच्या तीरीं कृष्ण क्रीडा करी,
------रावांचं नांव घेतें चव्हाणांच्या घरीं.
बारीक बांगडी भरतें किंमतीनं,
------रावांच्या सहवासांत दिवस जातात गंमतीनं.
मेनकेच्या पोटीं जन्मली शकुंतला,
------रावांचे गुण पाहून अर्पण केली मला.
गणपती हरिश्चंद्र सुटला वारा, रास करा, गाडया भरा,
------राव तुम्ही पेवाला जागा करा.
एक शेर दुधाचा पावशेर खवा,
------रावांचं नांव घेतें लक्षांत ठेवा.
चंद्रभागेंत बुडवितें चांदीचा घडा,
------रावांनीं दिला मला सातारचा पेढा.
अनारसे काढते तळून, लाडू ठेवते वळून, आईबापांच्या इथं राहिलें होतें खेळून
------x राव आतां घ्या संभाळून.
चहा केला निवून गेला, पेरु देतें चिरुन, केळीची काढतें साल,
------रावांच्या जिवावर कुंकूं लेतें लाल.
कांचेच्या बरणींत दुहेरी बर्फी,
------रावांचं नांव घेतें दुहीतर्फी.
उत्तरदाणी, गुलाबदाणी, चौफुला केला नवा,
------राव कोल्हापूरची दाखवा मला हवा.
लहानपणीं तुळशीला घालीत होतें पळी पळी पाणी म्हणून आतां झालें
------रावांची राणी.
काळी चंद्रकळा नेसतें कसून,
------रावांनीं दिलेले पेढे खातें हसून.
काळी चंद्रकळा तिला कस्तुरी चांदणी,
------रावांचं नांव घेतें मोहित्यांची राणी.
मागं पुढं गोठ पाटल्या, मधीं लेतें छंद,
------रावांचं नांव घेतें गलबला करा बंद.
साताराच्या सडकेनं घोडयांची लाईन,
------रावांचं नांव घेतें भावांची बहीण.
द्राक्षांच्या वेलीला त्रिकोणी पान, बाबा हिंडले हिंदुस्थान,
तेव्हां सांपडले ------राव छान.
भाग्य उजळलं पत्नीाचं, अंगठीवर चमकला हिरा, आकाशांत चमकला तारा,
------रावांचं नांव घेतें हाच माझा भाग्योदय खरा.
नव्या संसारांत स्त्री असावी हौशी,
------रावांचं नांव घेतें मंगलकार्या दिवशीं.
एकादशीच्या दिवशीं विठ्ठेलाला वहातात तुळशी,
------रावांचं नांव घेतें मंगळागौरीच्या दिवशीं.
अंबाबाईच्या देवळांत सोन्याची आळी,

कोई टिप्पणी नहीं:

एक टिप्पणी भेजें

fly