कोरोनो के साईड इफेक्टस...

 कोरोनो के साईड इफेक्टस...

गेल्या एक दीड महिन्यांपासून केवळ घरात आणि घरात बसून असल्यामुळे घरातील समोर आलेलं ढळढळीत सत्य...

१. आमच्या घरात गरजेपेक्षा कितीतरी वस्तू जास्त आहेत... ज्यांना घरात का घेतलं आणि अजूनही घरात त्या का आहेत हा एक मोठा प्रश्नच आहे...

२. आमच्या घरात ऐकून चारशे बेचाळीस भांडी असून त्यातील केवळ दोनशे बहात्तर भांडी वापरात असतात...( रोज मी भांडी घासतो त्यामुळे ज्ञानात पडलेली माहिती )

३. आमच्या घराचं एका टोकापासून दुसऱ्या टोकापर्यंतचे अंतर हे साधारणपणे पंचवीस मीटर असून जवळपास ऐंशी चकरा मारल्या की चार किमी चालणं होतं...

४. आमच्या घरात दोन-तीन वाट्या अशा आहेत की ज्या अतिक्रमण केल्यासारख्या घरात ठाण मांडून आहेत...त्यावर दुसऱ्याच कोणाचतरी नाव टंकलिखित केलेलं असून बायकोने बहुदा त्या वाट्या पाकिस्तानने बळकावलेल्या कश्मीरप्रमाणे आपल्या ताब्यात ठेवल्या आहेत...लॉकडाऊन संपला की  सर्जिकल स्ट्राइक करून त्या ताब्यात घेऊन ज्याच्या त्याला परत करण्यात येतील...

५. या बायकोकडे आणि पोरीकडे इतके कपडे आहेत, इतके कपडे आहेत, इतके कपडे आहेत की या त्या त्यांच्या साड्या, सलवार, पॅंट शर्ट यांची एकमेकांची गाठ बांधून लांब केले तर पृथ्वीला वेढा मारून त्याची गाठ घालून तिला आकाशात टांगता येईल...

६. आमच्या घरात असाही काही दुर्गम भाग आहे जेथे माणूस आणि झाडू कधीही पोहोचलेला नाही...

७. घरात तीस टक्के जिन्नस, पदार्थ, वस्तू अशा आहेत की ज्या बायकोला 'कोठेय?' असं विचारल्यावर ती त्या वस्तू घरात असूनही 'नाही आहेत' असं उत्तर देते...

८. बायकोने बोललेल्या प्रत्येक वाक्याला अर्थ असतोच असं नाही आणि आपण उगाचंच आपला मेंदू फ्राय करून त्याचा अर्थ लावून त्याला प्रत्युत्तर द्यायचे नसते हे याकाळात अजून ज्ञानदात पडलेली भर...'शांती' खूप गोड असते...

९. मनात आणलं तर घरातल्या घरात एक तास व्यायाम सहज करता येऊ शकतो...

१०. आमच्या घरातील भांडे घासणाऱ्या मावशी का टिकतं नाही याचा शोध लागला असून घरात तयार केलेला प्रत्येक पदार्थ चोवीस तासात तीन वेळा आपले कपडे सॉरी भांडे बदलत असतो...

११. आमच्या घरातील एका बेडशीटवर दोनशे बेचाळीस फुले असून एकशे बहात्तर पानं आहेत...

१२. घरात टीव्ही असूनही तो जराही न बघता दिवस काढता येऊ शकतो...

१३. आपला मोबाईलचा टॉक टाईम ( एका दिवसात फोन वर बोलण्याचा कालावधी ) हा बायकोच्या मोबाईल टॉकटाईमचे वर्गमुळ काढून त्याला तृतीयांशने गुणल्यावर जो येतो आकडा येतो त्याच्या निम्मा असतो...

सध्या एवढे बास...अजून बरंच काही आहे पण ते पुढच्या भागात...

रामरक्षा स्तोत्राचं सामर्थ्य

 ॥श्री राम समर्थ ॥

  

रामरक्षा स्तोत्राचं सामर्थ्य आणि त्यातल्या प्रत्येक श्लोकाचं महत्व आजपर्यंत अनेकदा अनेकांच्या वाचनात आलं असेल. 

रोजच्या जीवनात कुठल्याही प्रहरी रामरक्षा म्हंटली तरी प्रचंड प्रमाणात ऊर्जा तयार होते. खरं तर जी स्पंदने रामरक्षेतून जागृत होतात, ती दाखविण्यासाठी कुठलाही चष्मा किंवा भिंग उपलब्ध नाही, परंतु "स्वानुभव" ह्या एकमेव साधनेतून काहींना त्याची प्रचीतीही आली असेल. 

म्हणूनच ...

या रामनवमीला म्हणजेच बुधवार २१ एप्रिल रोजी संध्याकाळी ठीक ७ वाजता किमान  १ वेळा आणि शक्य असल्यास  ११ वेळा अत्यंत शांतपणे पण शक्य तितक्या मोठ्या आवाजात सगळे एकत्र रामरक्षा म्हणूया.

रामरक्षेतल्या प्रत्येक मंत्राची vibrations या चराचरात घुमु देत. 

एकाच दिवशी एकाच वेळेस हजारो लाखो लोकांनी हा रामरक्षा पठणाचा संकल्प केला तर वातावरणात एक प्रचंड मोठी सकारात्मक   उर्जा निर्माण होईल.

काही वाईट शक्तीना मारण्यासाठी जशी यंत्राची गरज असते तसच काही वाईट कोरोनारूपी अदृश्य शक्तीचा नायनाट करण्यासाठी आज मंत्राची गरज आहे.

दिवसेंदिवस मनुष्य आणि  विज्ञान या विषाणूपुढे हतबल होताना दिसतोय आणि म्हणूनच त्याच्या जोडीला त्याचं सामर्थ्य व मनोबल वाढवण्यासाठी रामरक्षे सारख्या प्रभावी मंत्र पठणाची गरज आहे.  

ज्यांचा विश्वास आहे ते तर करतीलच परंतु इतरांनीही

नकारात्मक विचार थोड्या वेळापुरते बाजूला ठेऊन संपूर्ण सकारात्मक भावनेने , मनापासून त्या प्रभू रामचंद्राला शरण जाऊया. त्या जगन्नियंत्याला तळमळीने हाक मारू आणि मनुष्य जातीवर आलेलं संकट दूर करण्यासाठी साकडं घालू. 

अहो ज्याने अनंत कोटी ब्रम्हांड निर्माण केली या विश्वनिर्मात्याला हे संकट दूर करणं अवघड आहे का हो ? 

खात्री बाळगा लक्ष लक्ष मुखातून एकाच वेळी निघालेल्या या स्तोत्राचे सकारात्मक परिणाम निश्चित दिसतील. काहीतरी चांगल निश्चित घडेल.

अनेक जण रामरक्षेचे नित्यपठण करतही असतील त्यांनी आणि इतरांनीही या बुधवारी २१ एप्रिल रोजी  रामनवमीला संध्याकाळी ठीक ७ वाजता किमान १ ते ११ वेळा रामरक्षा म्हणावी. आपापल्या घरी वा जिथे असाल तिथे रामरक्षेच पठण करा.

 

ज्यांना पाठ नसेल त्यानी record लावा.

विश्वास असो वा नसो पण विश्वकल्याणासाठी , मानवजातीच्या रक्षणासाठी केलेला हा संकल्प सिद्धीस नेण्यासाठी .....

कृपया हा मेसेज जास्तीत जास्त लोकांपर्यंत पोचवून साथ द्या. 

 

॥ जय जय रघुवीर समर्थ ॥