नवरी साठी नवीन उखाणे | Marathi Ukhane For Bride

नवरी साठी नवीन उखाणे | Marathi Ukhane For Bride

दारीं होता कोंबडा त्यांत होता पैका ------रावांचं नांव घेतें सर्वजण ऐका. आदघर मधघर मदघरांत घालीत होतें वेणी तिकडून आले ------राव त्यांनीं फेकली गुलाबदाणी. कांचेची फुलदाणी धक्क्यानें फुटली उठा उठा ------राव तुमची माझी शपथ सुटली. आमच्या मागच्या दारीं आहे द्राक्षांचा वेल ------राव बसले पुजेला मी देतें बेल. आदघर मदघर, मदघरांत होती चूल चुलीवर होता तवा, त्यावर भाजला रवा मी जातें माहेराला सासूबाई तुमी ------रावांना जीव लावा. पुणेरी तांगा, मद्रासी घोडें, ------रावांचे नांव घेतें सत्यनारायणाच्या पुढें. हुंडयावर गुंडा, गुंडयावर परात ------राव बसले पुजेला तिकडून जा घरांत. रामासारखे पुत्र जन्मले कौसल्येच्या कुशीं ------रावांचे नांव घेतें आनंदाच्या दिवशीं. तुळशीला घालतें प्रदक्षिणा, विष्णूला करतें नवस ------रावांचें नांव घेतें आज आनंदाचा दिवस. जाई जुईच्या फुलांची माळी गुंफितो जाळी ------रावांचें नांव घेतें संध्याकाळच्या वेळीं. दारापुढें ओटा, ऒटयावर लावली तुळस ------रावांच्या घरीं होईल संसार सुखाचा कळस. करंज्या, पुर्यांेनीं भरला रुखवत ------रावांनी माझा हात धरला सर्वांच्या देखत. उभी होतें माडीला ऊन लागलें साडीला चांदीचीं घुंगरं ------रावांच्या गाडीला. वाण घेतां घेतां माथ्यावर आलं ऊन ------रावांना सांगतें राहावं जपून. इकडून डोंगर, तिकडून डोंगर, मध्यें भालू कुत्रं भुंकतं ------रावांना पाहून माझं डोकं उठतं. बैठकीच्या खोलींत चांदीचा गल्लास ------रावांच्या जीवासाठी मी आपला जीव केला खल्लास. कांचेचं घंगाळ, गुलाबाचं पाणी, ------रावांचं नांव घेतें मोहनराणी. कांचेच्या ग्लासांत गुलाबी सरबत ------रावांच्या वाचून मला नाहीं करमत. मसाल्याची सुपारी चांदीच्या वाटींत ------रावांना ठेवीन म्हणतें मी माझ्याच मुठींत. शुक्राची चांदणी उगवली ढगांत, जाऊ द्या मला घरीं ------राव आहेत रागांत भारी. उगवला सूर्यंदेव, जगाचा राजा ------रावांचं नांव घेतें पहिला नंबर माझा. सोन्याच्या कर्णफुलांना मोत्यांचे झुबे ------रावांची वाट पहात सारें गांव राहिलें उभें.