गमतीदार / विनोदी उखाणे (Marathi Funny Ukhane)

गमतीदार / विनोदी उखाणे (Marathi Funny Ukhane)

समुद्राच्या काठावर मऊ मऊ वाळू, ‘ टिंब टिंब ‘ राव दिसतात साधे पण आतून एकदम चालू.

पुरणपोळीत तूप असावे ताजे अन साजूक, ‘ टिंब टिंब ‘. आहेत आमचे फार नाजूक.

भल्या पहाटे करावी देवाची पूजा, ‘ टिंब टिंब ‘. रावांच्या जीवावर करते मी मजा.

बायकोपेक्षा बाकी पोरी वाटतात गोड, ‘ टिंब टिंब ‘ रावांना डोळे मारण्याची फार जुनी खोड.

मटणाचा केला रस्सा, चिकन केले फ्राय, ‘ टिंब टिंब ‘ भाव देत नाही किती केले ट्राय.

खोक्यात खोका अगरबत्तीचा खोका, ती माझी मांजर आणि मी तिचा बोका.

मोबाईलवर एफएम ऐकते कानात हेडफोन लावून, … रावांना मिस कॉल देते एक रूपया बॅलन्स ठेवून.

साखरेचे पोते सुईने उसवले, ‘ टिंब टिंब ‘ ने मला पावडर लावून फसविले.

आला आला उन्हाळा, संगे घामाच्या या धारा, ‘ टिंब टिंब ‘ रावांचे नाव घेते लावून AC चा थंड वारा.

साताऱ्याचे पेढे नाशिकचा चिवडा, ‘ टिंब टिंब ‘ राव मला तुम्ही जन्मोजन्मी निवडा.

हिरव्या हिरव्या जंगलात उंच उंच बांबू, मी आहे लंबू आणि ‘ टिंब टिंब ‘ किती टिंगू.

केळीचं पान टरटर फाटतं, ‘ टिंब टिंब ‘ ह्याचं नाव घ्यायला मला कसंतरी वाटतं.

त्यांचा नि माझा संसार होईल सुकर, जेव्हा मी चिरेन भाजी आणि हे लावतील कुकर.

ही पण आहे सुंदर ती पण आहे छान. कोणाकोणावर प्रेम करू मी आहे परेशान.

लग्नानंतर फ्रिडम गेलं जिकडे जा बायको मागे पळते, तुम्ही काय हसता राव, ज्याची जळते त्यालाच कळते.

कॉलेजमध्ये असताना होते मी याची दिवानी, ‘ टिंब टिंब ‘ याचं नाव घेते आता खाऊन चिकन बिर्यानी.

काल होती फ्रायडे नाईट, करून आले मी पार्टी, ‘ टिंब टिंब ‘ यांनी दिलं मला लिंबूपाणी, कारण नवरा माझा स्मार्टी.

Ind Pak Match मध्ये हा म्हणत असतो Mauka Mauka, ‘ टिंब टिंब ‘ याचं लक्ष वेधून घ्यायला मी मारते उखाण्याचा Chauka.

घरच्यांनी हो म्हटल्यावर आम्ही लगेच केला रोका, आता मी त्याची मांजर आणि तो माझा बोका.

Shinchan चा कुत्रा आहे shiro, याचं नाव घेते मारून त्याच्या हृदयावर arrow.